vivo iQOO Pad 5 Pro Review In Tamil

vivo iQOO Pad 5 Pro Review In Tamil 

Design 

iQOO Pad 5 Pro-வின் டிசைன் மெலிதானதும் பிரீமியமானதும் தான். 289.6 × 198.3 × 6.1 mm அளவு கொண்ட இதன் எடை சுமார் 635 கிராம். அலுமினிய பில்டு இருப்பதால் கையில் எடுத்தவுடன் வலுவான உணர்ச்சி தருகிறது. கிரே, கிரீன், சில்வர் நிறங்களில் கிடைக்கிறது. 6 mm மட்டுமே தடிமன் என்பதால் எளிதாக கையில் பிடிக்கலாம். ஆனாலும் நீண்ட நேரம் கையில் பிடித்து படிப்பதற்கு சற்று கனமாகத் தோன்றும்.

Display 

இந்த டேப்லெட்டின் மிகப்பெரிய பலம் அதின் திரை தான். 13 அங்குல IPS LCD திரை 3096 × 2064 பிக்சல் தீர்மானத்துடன் வருகிறது. இது 3:2 விகிதத்தில் இருப்பதால் ஆவணங்களை வாசிப்பதற்கும், மல்டிடாஸ்க்கிங் செய்வதற்கும் மிகச் சிறந்ததாக இருக்கும். 144Hz ரிப்ரெஷ் ரேட் கொண்டதால் கேமிங், ஸ்க்ரோலிங், வீடியோ பிளேபேக் எல்லாமே மிக சீராக இருக்கும். அதிகபட்ச பிரகாசம் 1200 நிட்ஸ் வரை செல்லும் என்பதால் வெளியில் பிரகாசமான வெளிச்சத்திலும் திரை தெளிவாகத் தெரியும். HDR10, 10-bit color, DCI-P3 gamut ஆகியவற்றுக்கு ஆதரவு உண்டு. ஸ்டைலஸ் ஆதரவு இருப்பதால் வரைதல், நோட்ஸ் எடுப்பது, கையொப்பமிடுதல் போன்றவை மிகவும் வசதியாக இருக்கும்.

Performance 

செயல்திறனில் iQOO Pad 5 Pro மிகவும் வலுவானது. புதிய MediaTek Dimensity 9400+ (3nm) சிப்செட் கொண்டது. இதில் அதிகபட்சமாக 3.73 GHz வேகத்தில் இயங்கும் Cortex-X925 கோர் உள்ளது. அதோடு 3 Cortex-X4 மற்றும் 4 Cortex-A720 கோர்களும் சேர்ந்து பவர் மற்றும் எரிசக்தி சமநிலை கொண்டு செயல்படுகின்றன. GPU ஆக Immortalis-G925 MC12 பயன்படுத்தப்படுகிறது. RAM-இல் 8GB, 12GB, 16GB ஆகிய விருப்பங்களும், ஸ்டோரேஜில் 256GB மற்றும் 512GB ஆகிய இரு விருப்பங்களும் கிடைக்கின்றன. Geekbench 6 சோதனையில் single-core ~2738, multi-core ~8542, AnTuTu 10 சோதனையில் ~2.6 மில்லியன் புள்ளிகள் பெற்றுள்ளது. இதன் மூலம் இந்த டேப்லெட் மிகவும் சக்திவாய்ந்தது என்பதை உறுதிப்படுத்துகிறது.

Gaming 

நீண்ட நேர கேமிங் மற்றும் ஹெவி மல்டிடாஸ்க்கிங் செய்யும்போது டிவைஸ் சூடாகாமல் இருக்க, iQOO Pad 5 Pro-வில் 7 அடுக்குகளுடன் 40,600 mm² பரப்பளவில் கிராபைட் குளிர்ச்சி அமைப்பு உள்ளது. இதனால் வெப்பம் சரியாக வெளியேற்றப்பட்டு, தொடர்ச்சியான கேமிங் செய்ய வசதியாக இருக்கும். கேமிங் அம்சங்களில் Ray Tracing, Game Superframe, Super-resolution போன்றவை இருக்கின்றன. இதனால் கேமிங் அனுபவம் கன்சோல் லெவலில் இருக்கும்.

Audio 

ஆடியோ பிரிவில் இந்த டேப்லெட் ஒரு மேம்பட்ட அனுபவத்தை தருகிறது. 8 ஸ்பீக்கர் ஸ்டீரியோ அமைப்பு Dolby Atmos ஆதரவுடன் வருகிறது. படங்கள் பார்ப்பதிலும், பாடல்கள் கேட்பதிலும், கேமிங் செய்வதிலும் சவுண்ட் அனுபவம் மிகச் சிறந்ததாக இருக்கும். இணைப்பில் Wi-Fi 7 மற்றும் Bluetooth 5.4 உள்ளது. USB-C 3.2 Gen-1 போர்ட்டும் கொடுக்கப்பட்டுள்ளது. ஆனால் ஹெட்ஃபோன் ஜாக் கிடையாது என்பது ஒரு குறை.

Battery 

பேட்டரி திறன் மிகப்பெரியது – 12,050 mAh. இது சாதாரணமாக ஒரு நாள் முழுக்க பயன்படுத்த போதுமானது. 66W பாஸ்ட் சார்ஜிங் ஆதரவு இருப்பதால் வேகமாக சார்ஜ் செய்ய முடியும். கூடுதலாக reverse wired charging மூலம் மற்ற சாதனங்களுக்கு சார்ஜ் கொடுக்கவும் முடியும்.

Software 

iQOO Pad 5 Pro, Android 15-இல் இயங்குகிறது. அதில் OriginOS 5 HD என்ற பயனர் இடைமுகம் கொடுக்கப்பட்டுள்ளது. இது டேப்லெட்டுக்கு ஏற்ற மாதிரி வடிவமைக்கப்பட்டுள்ளது. Vivo மற்றும் iQOO ஸ்மார்ட்போன்களுடன் இணைத்து ஸ்கிரீன் ஷேர், பைல் டிரான்ஸ்ஃபர் போன்ற அம்சங்கள் பயன்படுத்த முடியும். ஆனால் இப்போதைக்கு சீனாவில் மட்டுமே வெளியிடப்பட்டுள்ளது. இந்தியா அல்லது பிற நாடுகளில் எப்போது வெளியிடப்படும் என்பது இன்னும் உறுதி இல்லை.

Camera 

டேப்லெட்டில் கேமரா அம்சங்கள் அதிக முக்கியத்துவம் பெறவில்லை. பின்புறத்தில் 13MP கேமரா LED Flash உடன் கொடுக்கப்பட்டுள்ளது. ஆவணங்களை ஸ்கேன் செய்ய அல்லது சாதாரண புகைப்படங்கள் எடுக்க போதுமானது. முன்புறத்தில் 8MP கேமரா கொடுக்கப்பட்டுள்ளது. இது வீடியோ கால் மற்றும் ஆன்லைன் மீட்டிங்க்களுக்கு உகந்தது.vivo iQOO Pad 5 Pro